Este xoves 23 de abril conmemoramos o día do libro na nosa biblioteca e fixemos un sorteo entre os nosos lectores de tres caixas-libro, que Amparo confeccionou con material reciclado. Nelas introducimos dous libros escritos en varios idiomas e varios doces cos que acompañar unha fermosa lectura.
Buscamos unha man inocente, neste caso Pepe, que amablemente nos axudou a escoller aos tres afortunados que marcharon moi felices cos seus agasallos.
O noso lema, "Non hai nada máis doce ca un libro", quedou totalmente reflectido na ilusión coa que recolleron os seus premios.
No hay comentarios:
Publicar un comentario